Политика за приватност

1. Кои сме ние

KakoDoKredit.mk (во понатамошниот текст „Платформата") е независна онлајн платформа која овозможува споредување и информирање за кредитни производи (потрошувачки, лизинг/автомобилски и станбени кредити) достапни кај банки и финансиски друштва во Северна Македонија. Платформата не е банка, не е кредитор и не е кредитен посредник — таа не одобрува кредити, не аплицира во име на корисниците и не преговара со финансиски институции.

2. Кои податоци ги собираме

Користењето на калкулаторот за споредба (внесување на износ, рок, примања и слични критериуми) не бара внесување лични податоци и резултатите можат да се разгледуваат без да се остави каков било контакт.

Единствениот дел од Платформата каде доброволно се внесуваат лични податоци е формата „Потребна ви е дополнителна помош?", каде можете по сопствен избор да оставите:

• Име и презиме
• Телефонски број
• Е-mail адреса

Оваа форма не е задолжителна и не е услов за да се користи или разгледува калкулаторот и неговите резултати.

Технички податоци (на пр. IP-адреса и време на испраќање) автоматски се евидентираат при секое испраќање на формата, заради спречување на злоупотреба на формата.

3. За каква цел се користат податоците

Податоците внесени во формата „Потребна ви е дополнителна помош?" се користат исклучиво за да бидете контактирани од нашиот партнер — кредитен посредник — во врска со услугата за кредитно посредување коишто ја избирате доброволно.

4. Правна основа за обработка

Обработката на личните податоци внесени преку формата се темели на вашата изрична согласност, дадена преку означување на checkbox-от за согласност пред испраќање на формата. Согласноста е доброволна и може во секое време да се повлече за во иднина (стапка 6).

5. Со кого ги споделуваме податоците

Податоците внесени во формата „Потребна ви е дополнителна помош?" се доставуваат до кредитен референт — наш партнер за кредитно посредување — единствено заради контактирање и помош околу постапката за избор на кредитен производ. Платформата не ги продава и не ги споделува вашите лични податоци со трети лица за маркетинг цели.

При вчитување на страницата, дел од технички ресурси (фонтови и библиотека за графикони) се вчитуваат од надворешни сервиси (Google Fonts, jsDelivr CDN), кои по природа на технологијата можат да ја видат IP-адресата на посетителот при вчитување на тие ресурси, независно од Платформата.

6. Рок на чување

Податоците внесени преку формата се чуваат 12 месеци од испраќање, освен ако порано не побарате нивно бришење согласно стапка 7.

7. Вашите права

Во врска со вашите лични податоци, имате право да побарате:

• пристап до податоците што ги чуваме за вас;
• исправка на неточни или нецелосни податоци;
• бришење на податоците;
• повлекување на дадената согласност во секое време, без тоа да влијае на законитоста на обработката извршена пред повлекувањето;
• приговор на обработката на податоците.

Барањата може да ги упатите на informacii@kakodokredit.mk. Доколку сметате дека вашите права се повредени, имате право да поднесете барање и до Агенцијата за заштита на личните податоци на Северна Македонија.

8. Контакт

За прашања поврзани со оваа Политика за приватност или со обработката на вашите лични податоци, контактирајте нè на informacii@kakodokredit.mk.